Bahot khoobsurat meri zindagi ho

GHAZAL
Bahot khoobsurat meri zindagi ho           
Na mujhko koi gham na koi khushi ho 

Wahi surkhru hoga dono jahan mein
Adaa jis bashar se haq-e-bandagi ho

Jahan ke masaa-il sulajh jayenge, gar
Muhabbat ka haamil har ik aadmi ho

Yun maa-baap ko khush rakhen zindagi bhar
Kabhi bhi na ankhon mein unki nami ho

Pareshaniyan khud hi ho jayengi kam
teri zindagi mein agar saadgi ho

Riyaz Ashna